O Excmo. Concello Pleno, na sesión que tivo lugar o día 20 de abril de 2007, adoptou, entre outros, o seguinte acordo:

Aprobar definitivamente por silencio administrativo o Plan de Sectorización de Menáncara, en Serantes, redactado por Bros Noroeste Empresa Inmobiliaria, SL.

O acto da aprobación definitiva do citado Plan Parcial foi comunicado o día 2 de maio de 2007 á Consellería de Política Territorial, Obras Públicas e Vivenda, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.

Contra o acordo de aprobación definitiva do Plan de Sectorización, que pon fin á vía administrativa, poderase interpoñer recurso contencioso-administrativo perante a Sala correspondente do Tribunal Superior de Xustiza de Galicia, no prazo de dous meses (arts. 46 da Lei de Xurisdicción Contencioso Administrativa e 52 da Lei Reguladora das Bases de Réxime Local). Tamén poderá interpoñer calquera outro que estime pertinente.

Ante a eventualidade de que existen propietarios afectados ou colindantes descoñecidos, de que non se coñeza o lugar de notificación ou que non se puidese practicar, deberá publicarse no BOP a listaxe, en cumprimento do establecido no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, que é a seguinte: